Stratos
Stratos é unha BD de Miguelanxo Prado. Componse de seis relatos gráficos de oito páxinas cada un e un sétimo relato (de catro páxinas) que funciona a xeito de epílogo.
Esta é a presentación editorial:
"Coa liberdade que outorga situar a acción nun tempo futuro, Miguelanxo Prado deseña neste álbum, mergullándose nas claves da ciencia ficción distópica, unha sociedade baseada no consumo e na que predominan o racismo, a corrupción e a destrución sen control dos recursos naturais. Cun discurso duro e cruel por veces, mais non exento de certos acenos cómicos, asistimos ás teimas e obsesións de todos os seres que compoñen eses estratos tan ferreamente delimitados desde o nivel máis baixo, o dos “proletas”, ata o composto polas oito persoas que, á sombra do poder económico, controlan todos os gobernos mundiais. Unha intelixente e funcional construción narrativa apoiada por un abraiante despregamento de recursos gráficos que segue a cativar, malia o tempo transcorrido desde a súa primeira aparición por entregas nas páxinas da revista Zona 84 e posteriormente como álbum en 1987, se cadra porque estamos perante unha desas boas historias de ciencia ficción que funcionan como espello do que somos."
Índice
Departamento de Lingua e Literatura galegas
Carácter / nivel : Obrigatorio / 1º BAC
Tempo: 1º/2º trimestre
Tratamento previo: Breve aproximación á obra do autor.
Obxectivos: Lectura literaria. Lectura comprensiva. Exploración dos códigos BD
Avaliación: Control escrito.
Contidos curriculares: Análise e interpretación de banda deseñada.
Número de exemplares na Biblioteca
PRADO, Miguelanxo (2010): Stratos. Santiago de Compostela: El patito editorial. ISBN 84-7507-431-6: 7 exemplares
Ligazóns
Ligazóns externas
Stratos, referencias á obra no blogue Marela B.D
Amplo informe de José A. Serrano, en Guía del Cómic sobre Miguelanxo Prado
O sitio de Miguelanxo Prado.
