Oliver Twist
Oliver Twist (2005) de Roman Polanski é a novena adaptación cinematográfica da novela homónima de Charles Dickens. A primeira foi en 1909, dirixida por J. Stuart Blackton.
O texto, a primeira novela inglesa de protagonista infantil, viu a luz como novela por entregas entre febreiro de 1837 e abril de 1839, na revista mensal Bentley's Miscellany.
Educado nunha workhouse, o orfo Oliver Twist e o resto dos rapaces están morrendo de fame e deciden xogar entre eles a quen lle toca pedir máis comida. Oliver é o elixido. Na cea desa noite, despois da súa ración normal, Oliver diríxese ao señor do orfanato e pídelle máis. Tachado de ser problemático por Mr. Bumble, o bedel do orfanato e pola dirección, Oliver é ofrecido como aprendiz a calquera que o queira contratar. Primeiro é condenado a limpar chemineas, un traballo perigoso. Posteriormente Oliver convértese en aprendiz do enterrador Sowerberry, pero pelexa con Noah Claypole, outro dos mociños do enterrador, e como resultado da pelexa foxe e vaise para Londres
Ás aforas da cidade, canso e famento, Oliver coñece a Artful Dodger, que lle ofrece un lugar onde hospedarse en Londres. Cheo de inocencia, Oliver caerá no medio dunha banda de rapaces carteiristas dirixida polo malvado Fagin.
Un día é capturado e acusado dun crime que non cometera; proba a súa inocencia, sepárase da banda e atopa a familia que sempre desexara.
Índice
Puntos de interese
Na novela e no filme desenvólvense diversos temas e subtemas de tipo social nos que cómpre repararmos.
| Oliver Twist | |
|---|---|
| Título orixinal | Oliver Twist |
| [[Ficheiro:|200px| ]] | |
| Ficha técnica | |
| Dirección | Roman Polanski |
| Produción | Robert Benmussa, Alain Sarde e Roman Polanski |
| Guión | Ronald Harwood; baseado na novela de Charles Dickens |
| Baseado en | {{{baseado}}} |
| Intérpretes | Ben Kingsley (Fagin), Barney Clark (Oliver Twist), Jamie Foreman (Billy Sykes), Harry Eden (Artful Dodger), Leanne Rowe (Nancy), Lewis Chase (Charley Bates), Edward Hardwicke (Sr. Brownlow), Jeremy Swift (Sr. Bumble), Mark Strong (Toby Crackit), Ian McNeice (Sr. Limbkins), Jake Curran (Barney), Ophelia Lovibond (Bet), Chris Overton (Noah). |
| Música | Rachel Porter |
| Director de Fotografía | Pawel Edelman |
| Montaxe | |
| Estudio | {{{estudio}}} |
| Distribuidor | |
| Ano | 2005 |
| Duración | 130 m. |
| País | Francia / Reino Unido |
| Xénero | |
| Orzamento | |
| Filme anterior | |
| Filme seguinte | |
| Ficha en IMDb | |
Londres no século XIX
Na película reflíctese a cidade de Londres da primeira revolución industrial froito dun crecemento desordenado, rápido e pouco planificado. Nas rúas, nos mercados, ... reinan o caos, a sucidade, o barullo... característicos dos barrios obreiros do século XIX. En contraposición aparecen as clases altas nas súas mansións, as carruaxes e o ambiente dos barrios ricos. Efectivamente, aparecen membros das clases altas, burgueses e tamén criados, malfeitores e pícaros que ganan a vida como poden. As diferenzas entre as casas, os vestidos e as actividades son moi rechamantes. Recolle tamén os valores desta sociedade clasista e puritana na que a filla dunha familia acomodada que se quedou embarazada antes do matrimonio se ve obrigada a acudir a un hospicio para dar a luz. Alí morre pola falta de medios e o seu fillo queda orfo e abandonado.
A xustiza
É un tema fundamental da película: a Oliver, despois de ser capturado por un intento de roubo, xúlgano como se fose un adulto e sen ter en conta as circunstancias atenuantes; de non ser perdoado pola suposta vítima iría ao cárcere na que en lugar de reformarse empeoraría. Ademais, a película amosa un rapaz, que a pesar das circunstancias, ten un alto sentido da solidariedade, é honesto, bo amigo, agradecido e colaborador, que non traizoa os seus benefactores e que rouba só porque non ten máis remedio.
A infancia
Os nenos en xeral e en particular Oliver, son os principais protagonistas da película. Son uns nenos moi especiais, porque non teñen casa nin vínculos familiares e viven xuntos na casa de Fagin, que lles dá cama e alimento e ensínalles unha “ profesión” a cambio dos seus ingresos. Debemos recordar o traballo infantil durante a primeira revolución industrial.
Departamento de xeografía e historia
- Tratamento previo: .
- Obxectivos:
- Avaliación:
- Contidos curriculares: Tema 2: As revolucións burguesas. (Apartados do libro de texto: 5 (A revolución industrial) e 6 (O capitalismo e a sociedade de clases).
- Contidos transversais: Competencia audiovisual.
Outros departamentos
Número de exemplares na Biblioteca
Oliver Twist /
