Asemblearias

Asemblearias

Curso

2º de bacharelato

Carácter

Obrigatorio

Materia

Grego II

Departamento

Grego

Temporalización

2ª avaliación

Nesta obra Aristófanes segue na liña de Lisístrata, presentando un grupo de mulleres, baixo o liderado de Praxágora, que decide cambiar a situación na que se atopa a acidade: queren tomar o poder en Atenas (cousa realmente inconcibíbel para a mentalidade da época). Disfrázanse de homes, votan na Asemblea entregarlle o poder ás mulleres e establecen unha especie de comunismo avant la lettre: todo é común, mesmo as mulleres.

Cito como curiosidade uns versos famosos por conteren a palabra máis longa do grego (só ten setenta e nove sílabas); é o nome dun prato no que se resume nunha soa palabra o menú que se había servir na cea:

λοπαδοτεμαχοσελαχογαλεο-

κρανιολειψανοδριμυποτριμματο-

σιλφιολιπαρομελιτοκατακεχυμενο-

κιχλεπικοσσυφοφαττοπεριστερα-

λεκτρυονοπτοπιφαλλιδοκιγκλοπε-

λειολαγῳοσιραιοϐαφητραγα-

νοπτερυγών.

Velaquí a tradución deste manxar: Cazolada de toros de peixe, raia, zapata, cachos de cabeza con prebe picante salpresada con silfio, aceite-e-mel, estorniños, merlos, pombiños, pombas torcaces, galos, lavercas asadas, muxes, pombiños, lebres cocidas en viño coas súas ás.

Foi representada por primeira vez o ano -392.

Departamento de Grego

• Tratamento previo: introdución ao sistema político ateniense e á situación da muller.

• Obxectivos: Coñecer a política ateniense.

• Avaliación: Unha pregunta no exame de avaliación.

• Contidos curriculares: Organización política e a muller en Atenas.

• Contidos transversais: A situación da muller, os sistemas políticos.

Número de exemplares na Biblioteca

• AMADO RODRÍGUEZ, María Teresa trad. (1991): Aristófanes. Nubes - Asemblearias. Servicio de publicacións da Xunta de Galicia - Galaxia. Vigo. 2 exemplares.

Esta é a que vos recomendo.

• LÓPEZ EIRE, Antonio trad. (1986): Aristófanes: Ἐκκλησιαζούσαι - Las asambleístas. Erasmo: textos bilingües. Bosch. Barcelona. 1 exemplar.