Axuda

Publicar nun wiki é moi sinxelo e rápido: de feito a palabra wiki significa 'rápido' en hawaiano.

Na parte esquerda da pantalla tes unha caixa sobre a que está escrito procura. Escribe nela o artigo que queiras ver e preme o botón Artigo.

• Se existe, irás directo a el. Fai a proba escribindo Merlín e familia.
• Se non existe, verás un aviso no que che pide que crees ti o artigo (en cor vermella), preme nel e accederás ao editor, escribe nel (se creas un artigo sobre unha obra propoñémoste o seguinte esquema, que só terás que copiar, pegar no editor e substituír o que está escrito en maiúsculas polo que creas conveniente) e finalmente, na parte inferior da páxina, verás os botóns de Gardar a páxina e Mostrar a vista previa. Se estás rexistrado dálle a Gardar a páxina, se non terás que pasar primeiro pola vista previa. É conveniente que traballes rexistrado. Para rexistrarte vai á ligazón rexistro da parte superior dereita da pantalla.

Para subirdes unha imaxe ou un arquivo voso, só tedes que premer en cargar un ficheiro na columna da esquerda e seguir os pasos que aí se indican.

Para as diferentes cousas que se poden facer no editor podes ver o seguinte ‎documento.

Neste ficheiro tedes un documento que describe os primeiros pasos para editardes nun wiki.

E sobre todo, non teñades medo a romper algo, non se dá feito aínda que queiramos.