Makinaria

Makinaria

Curso

3ª PDC e 3º ESO

Carácter

Obrigatorio

Materia

Ámbito Lingüístico-social e Lingua galega e literatura 3º

Departamento

PDC e Lingua galega e literatura

Temporalización

1ª e 2ª avaliación

Makinaria de Carlos Negro, sentenza Edicións Xerais, é unha aceleración poética de cero a cen en tres segundos. O libro, tal e como sinala Montse Pena Presas, convida a reflexionar sobre o excesivo e inconsciente culto que a mocidade lle ten á

velocidade e ao tunning; e tamén por unha certa irreverencia que obriga a eses eu líricos que se condensan nun só (o do mozo que ama as estradas e o risco por enriba de todo) a (con)vivir e negociar con diferentes forzas da colectividade, maiormente coa familia. Esa loita polo poder de decidir vólvese central nun poemario en que a reflexión, ausente nas primeiras partes do mesmo, fire como unha puñada no estómago nas dúas últimas, de singnificativo título: “061” e “Game over”. A conexión co lectorado xuvenil é procurada a través da utilización dunha linguaxe coloquial adolescente e de referentes culturais que se estenden á música (algúns poemas semellan cancións de hip hop, sen esquecer as referencias ao rock máis canónico, como Springsteen, ou as composicións electrónicas de Red Zone), ao cine (“Fast and Furious”) e aos videoxogos (“Need for Speed”, “Power Racing”), sempre perfectamente vinculados co principal alicerce temático da obra. Á fin a Morte converte a euforia en chatarra, porque só admite como meta o destino cemiterio.

Nesta obra vemos como o poeta nos fai ver o mundo do motor, a gasolina, a velocidade, a présa... entre moitos mozos, que fan destas cousas o motivo da súa vida, pero tamén a causa da súa morte...

Sen dúbida ningunha, poesía do coñecemento e experimental de carácter cívico, na que reflexiona sobre a mocidade adolescente, a través dun rexistro lingüístico de estética naïf.

Departamento de PDC / Departamento de Lingua galega e literatura

• Tratamento previo: comentario na clase sobre o culto á velocidade, o tunning, os riscos asociados á mocidade, ....

• Obxectivos: Reflexionarmos sobre que todo exceso pode ser nocivo.

• Avaliación: Escrita e oral.

• Contidos curriculares: Análise de textos literarios, a mocidade actual.

• Contidos transversais: Educación vial.

Número de exemplares na Biblioteca

• NEGRO, Carlos: Makinaria. Xerais. Vigo: 2009. -77 p.; 21 cm. (Fóra de xogo; 120) ISBN 978-84-9782-553-5 8 exemplares.

Ligazóns

De elaboración propia

En preparación

Ligazóns externas

• Blog do IES de Melide onde un grupo de alumnos comentan o que sentiron ao leren esta obra.
• [Guía de lectura de Rosa Salgueiro]
• Esta é unha guía de lectura feita por Rosa Aneiros.
• Makinaria na Galipedia