Ilíada

Ilíada

miniatura da obra

Curso

2º de bacharelato

Carácter

Obrigatorio

Materia

Grego II

Departamento

Grego

Temporalización

1ª avaliación

Nesta obra, que a tradición atribúe a un poeta cego chamado Homero, podemos asistir a un episodio da guerra de Troia, que, ao final da época micénica terían levado a cabo unha coalición de reis gregos contra a cidade asiática de Troia. Os acontecementos que nos contan nela ocorren en nove días, que nin sequera son os últimos da guerra. Hai que ter en conta que o chamado Ciclo Troiano, ou sexa, todas as historias que xiran arredor desa guerra, os seus antecedentes, o seu desenvolvemento e as consecuencias dela, deron para moitas obras da literatura tanto grega como posterior, mesmo na actualidade.

Non está prohibido ler a obra enteira, pero o que será esixido é a lectura dos cantos I, VI, XVI e XXII. Aquí tedes un pequeno resumo deles:

• Canto I: É o décimo ano da guerra de Troia. Aquiles e Agamenón se desentenden debido a disputa sobre unha xove cativa

• Canto VI: Heitor retorna a Troia para pedir que se tente acalmar a Palas Atenea. Encóntrase con esposa e fillo e retorna á batalla xunto ao seu irmán Paris.

• Canto XVI: Patroclo pide a armadura a Aquiles e permiso para entrar na loita. Aquiles concede, porén Patroclo é morto por Heitor.

• Canto XXII: Aquiles bátese en duelo con Heitor e mátao. A seguir, deshonra o seu cadáver, arrastrándoo ao campamento grego.

Departamento de Grego

• Tratamento previo: Introdución ás historias sobre Troia, o período micénico e a súa caída, os hititas,...

• Obxectivos: Dar atrapado o espírito heroico que move a obra, a ἀρετή e a poesía épica.

• Avaliación: Unha pregunta no exame de avaliación.

• Contidos curriculares: a poesía épica, os dialectos gregos.

• Contidos transversais: As diferenzas culturais.

Número de exemplares na Biblioteca

SELA, EVARISTO DE (1990): A Ilíada. Consello da Cultura Galega. Santiago de Compostela. 1 exemplar.

Ligazóns

Ligazóns externas

• Aquí tedes cousas sobre a Ilíada na Galipedia.